2021 年 12 月 1 日

情侶

在診所工作,可了解不同職業、年齡和地區人的體質、習慣、潮流、人事…。來診的人有不少情侶、老夫妻或友達以上,故事極多,每週都看到「天梯」、「活得比你好」、 「活得比你好」、 「那誰」、「電燈膽」,連「三角誌」都不少,絕對開闊眼界,增加知識,令人更接地氣。但有一種人對街外人,有禮、體貼、容忍…,但對家人、男/女友或用心照顧自己的人,態度多有不佳,差距甚遠。

診室門外,站著一對溫文有禮的情侶。
咯咯咯(敲門聲)….
我開門問:「邊位睇病?」
少女(溫柔)答:「我!」
再回頭對男友說:「依到只係俾一個人入咋,你係到等啦!」
我與男士平淡對望一眼,再跟少女說:「你地自己決定,唔介意就可以。」

進來後,如常問診,問及經期時,少女單手一揮 (依舊背著男友),男士即時俯身望著手機道: 「上次係X月X日到X月X日,前次係…大前次…」資料詳盡,極之有用。
之後繼續問診,期間少女又揮一揮手(依舊不用轉身),男友即時遞上紙巾。
少女接過印一印,聲線變得大聲:「唔係依隻!」
男友神情自若的遞上另一隻味紙巾和接過少女不要的一張。
問診再繼續,少女回復溫柔聲線。
看舌把脈後,發現脈象很緊,綜合一切後,我說:「妳無咩野,係小小虛,無咩鍛鍊,同脾氣暴躁左啲啫。」
男士細細點頭!
少女聲線稍尖溫柔道:「都唔係呀!」
我回應:「妳對我唔發脾氣啫。(脈象不會騙人)」
少女大笑:「醫師你真係醒。(都係溫柔)」
結賬時,情侶有禮的跟我道別,少女輕輕細步先走出去,男友則盡力騰出一手付錢,和把藥放在眾多巨型shopping bag中的其中一個。

類似情境這幾年幾天一見,最初很礙眼,現在見怪不怪。大聲不代表無禮貌,講粗口亦未必有惡意,但相熟的不拘少節,不應是經常表現負面情緒的借口。差勁地對愛護自己的人,最後會把他們嚇走是理所當然吧!

相關新聞

那個滿載情感的地方:機場

這裡,可能是世界上最多愁善感的地方。 這個地方可以是夢想的開始,亦可以是關係的終站;我們可能在這地方笑過,亦可能在這地方哭過。記載了太多的故事和感情,有笑,有淚;有再見,有重逢⋯ 那個滿載情感的地方,叫作機場。

Leave a Reply

Your email address will not be published. Required fields are marked *