2017 年 9 月 23 日

Keep Fit

很多父母都會帶小朋友來診,多年後,已由小學生變成大學生。
我對著少女說:「小朋友,你好耐無同你爸媽黎啦,出黎做野未呀?」
父母插口:「邊有咁快,今年第一年大學,係宿舍2個月都唔返黎一次,…(下拆千字),搞到身體差哂,所以專登要佢黎食藥!」
我微笑:「由得佢啦,女大不中留啊!」
病人父母笑:「你睇佢幾殘。」
我:「住宿舍係咁架啦,佢大個啦,你理唔到架啦,等多2年(重音),殘無可殘,遮無可遮,塊面爛哂,就會緊張,自己俾錢睇。」
病人父母:「就係唔想佢搞到咁!」
我:「人類喜愛重復犯錯,唔夠痛,就好快忘記,只要痛定思痛,忍無可忍,就會變。食幾劑藥好唔到幾多,幫佢keep住個樣,只會令佢對your face your fate,依個現實認識唔夠深刻。」

診症過後
我對少女說:「都唔係咁差,係虛少少,每個禮拜做運動,瞓多少少就ok。」
少女(小朋友調皮樣):「我有做運動,半年啦。」
我平淡回:「嘩!真係睇唔出wo,咩運動?象棋?圍棋?還是康樂棋?」
少女笑:「咩呀,跑步機呀,每個禮拜1個鐘,中間無休息。」
我:「咩速度?」
少女(急):「雖然係6,但我有出汗。」
我平淡:「係會所,D肥嬸嬸都經常行(重音)跑步機,都出汗架,佢地都應該行左好多年!」

適當時間,做適當事
長者做運動,但關節身體情況未必許可,唯有建議多拉筋,多散步。中年人根據體質和復原力,會提議先從急步走,緩步跑,游水開始。
年青人,復原力強,身體尚可,運動可做較劇烈或逐漸加重。

人而無恆,終身一無所成
讀書如是,做人如事,感情如事,養生都是。
花心是正常,東做一些,西做一些,不打緊,但一定要選其中一個正確的來堅持,持之以恆。大媽們的養生食品和養生功法極多,但大多未見健康,除了因為他們偏愛網路讒言外,亦因不願堅持真正醫護的建議。

小心捷徑
背傷寒論時,有同學問老師:「有無捷徑?」,老師直接答:「就是踏實的一句一句不斷背」,於是這十多年,我依然一句一句的重複。
網絡上經常有很多,「做XX五分等如XX鐘的運動」或「食XX你的XX會年輕X年」。這些題目非常吸睛,可惜內容理論錯誤百出,無效不打緊,但通常有副作用,實在害人不淺。極閒大媽,還會google質量低的資料來支持,低智但聲大,到處咆哮和宣傳,可怕。
正式醫護介紹的都是安全正路方法,急功近利的多不接受。

相關新聞

傑醫師專欄regular_2

情侶

在診所工作,可了解不同職業、年齡和地區人的體質、習慣、潮流、人事…。來診的人有不少情侶、老夫妻或友達以上,故事極多,每週都看到「天梯」、「活得比你好」、 「活得比你好」、 「那誰」、「電燈膽」,連「三角誌」都不少,絕對開闊眼界,增加知識,令人更接地氣。但有一種人對街外人,有禮、體貼、容忍…,但對家人、男/女友或用心照顧自己的人,態度多有不佳,差距甚遠。

2 回應

  1. 最難頂係一堆人share content farm,但又唔會考證自己睇到既野。瘦身、運動好難有一勞永逸既捷徑,有都手尾長。不過好多時都要撞過板先知痛。

  2. 果d人通常深信自己無share錯⋯

Leave a Reply

Your email address will not be published. Required fields are marked *